ਕੁਆਰਟਰ ਫਾਈਨਲ ’ਚ ਉਤਰਨਗੇ ਟ੍ਰੀਸਾ ਗਾਇਤਰੀ ਅਤੇ ਸਾਤਵਿਕ ਚਿਰਾਗ

ਨਵੀਂ ਦਿੱਲੀ, 21 ਅਗਸਤ (ਹਿੰ.ਸ.) : ਬੀ. ਡਬਲਯੂ. ਐੱਫ. ਵਿਸ਼ਵ ਚੈਂਪੀਅਨਸ਼ਿਪ 2026 ਦੇ ਪੰਜਵੇਂ ਦਿਨ ਸ਼ੁੱਕਰਵਾਰ ਨੂੰ ਭਾਰਤ ਦੀਆਂ ਤਗਮੇ ਦੀਆਂ ਉਮੀਦਾਂ ਡਬਲਜ਼ ਮੈਚਾਂ ’ਤੇ ਟਿਕੀਆਂ ਰਹਿਣਗੀਆਂ। ਮਹਿਲਾ ਡਬਲਜ਼ ਵਿੱਚ ਟ੍ਰੀਸਾ ਜੌਲੀ ਅਤੇ ਗਾਇਤਰੀ ਗੋਪੀਚੰਦ ਖੇਡਣਗੀਆਂ ਜਦੋਂ ਕਿ ਸਾਤਵਿਕਸਾਈਰਾਜ ਰੰਕੀਰੈਡੀ ਅਤੇ ਚਿਰਾਗ ਸ਼ੈੱਟੀ ਪੁਰਸ਼ ਡਬਲਜ਼ ਕੁਆਰਟਰ ਫਾਈਨਲ ਵਿੱਚ ਖੇਡਣਗੇ। ਟ੍ਰੀਸਾ ਅਤੇ ਗਾਇਤਰੀ ਦਾ ਸਾਹਮਣਾ ਚੌਥਾ ਦਰਜਾ ਪ੍ਰਾਪਤ ਜੀਆ ਯੀ ਫੈਨ ਅਤੇ ਚੀਨ ਦੇ ਝਾਂਗ ਸ਼ੂ ਜ਼ਿਆਨ ਨਾਲ ਹੋਵੇਗਾ। ਇਹ ਮੈਚ ਕੋਰਟ ਨੰਬਰ 1 ’ਤੇ ਦੁਪਹਿਰ 1:50 ਵਜੇ ਸ਼ੁਰੂ ਹੋਣ ਦੀ ਉਮੀਦ ਹੈ। ਇਸ ਦੌਰਾਨ ਪੰਜਵਾਂ ਦਰਜਾ ਪ੍ਰਾਪਤ ਸਾਤਵਿਕਸਾਈਰਾਜ ਰੰਕੀਰੈੱਡੀ ਅਤੇ ਚਿਰਾਗ ਸ਼ੈੱਟੀ ਦਾ ਸਾਹਮਣਾ ਚੀਨ ਦੇ ਤੀਜੇ ਦਰਜੇ ਦੇ ਲੀਨ ਵੇਈ ਕੇਂਗ ਅਤੇ ਵਾਂਗ ਚੇਂਗ ਨਾਲ ਹੋਵੇਗਾ। ਇਹ ਮੈਚ ਕੋਰਟ ਨੰਬਰ 1 ’ਤੇ ਸ਼ਾਮ 6 ਵਜੇ ਦੇ ਕਰੀਬ ਖੇਡਿਆ ਜਾਵੇਗਾ। ਭਾਰਤ ਦੀਆਂ ਸਿੰਗਲਜ਼ ਵਰਗ ਵਿੱਚ ਤਗਮੇ ਦੀਆਂ ਉਮੀਦਾਂ ਵੀਰਵਾਰ ਨੂੰ ਖਤਮ ਹੋ ਗਈਆਂ। ਪੀਵੀ ਸਿੰਧੂ ਅਤੇ ਆਯੁਸ਼ ਸ਼ੈੱਟੀ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਲਈ ਭਾਰਤੀ ਪ੍ਰਸ਼ੰਸਕਾਂ ਦਾ ਧਿਆਨ ਹੁਣ ਦੋ ਡਬਲਜ਼ ਜੋੜੀਆਂ ’ਤੇ ਹੋਵੇਗਾ।