ਤੀਸਰੇ ਬੱਚੇ ਦੇ ਜਨਮ ‘ਤੇ 30 ਤੇ ਚੌਥੇ ਲਈ ਮਿਲਣਗੇ 40 ਹਜ਼ਾਰ, ਅਨੋਖੀ ਸਕੀਮ ਲਿਆਈ ਇਸ ਸੂਬੇ ਦੀ ਸਰਕਾਰ

 ਅਮਰਾਵਤੀ  (ਹਿੰ.ਸ.) ਆਂਧਰਾ ਪ੍ਰਦੇਸ਼ ਦੀ ਚੰਦਰਬਾਬੂ ਨਾਇਡੂ ਸਰਕਾਰ ਸੂਬੇ ਦੇ ਲੋਕਾਂ ਲਈ ਇੱਕ ਨਵੀਂ ਸਕੀਮ ਲੈ ਕੇ ਆਈ ਹੈ, ਜਿਸ ਨੂੰ ਸੁਣ ਕੇ ਤੁਸੀਂ ਹੈਰਾਨ ਰਹਿ ਜਾਵੋਗੇ। ਸਰਕਾਰ ਹੁਣ ਤੀਸਰੇ ਬੱਚੇ ਦੇ ਜਨਮ ‘ਤੇ 30,000 ਰੁਪਏ ਅਤੇ ਚੌਥੇ ਬੱਚੇ ਦੇ ਜਨਮ ‘ਤੇ 40,000 ਰੁਪਏ ਦੇਵੇਗੀ।ਆਂਧਰਾ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਚੰਦਰਬਾਬੂ ਨਾਇਡੂ ਨੇ ਤੀਸਰੇ ਅਤੇ ਚੌਥੇ ਬੱਚੇ ਦੇ ਜਨਮ ‘ਤੇ ਨਕਦ ਪ੍ਰੋਤਸਾਹਨ ਰਾਸ਼ੀ ਦੇਣ ਦਾ ਐਲਾਨ ਕੀਤਾ ਹੈ। ਇਸ ਮੁਤਾਬਕ ਸਰਕਾਰ ਤੀਸਰੇ ਬੱਚੇ ਦੇ ਜਨਮ ‘ਤੇ 30,000 ਰੁਪਏ ਅਤੇ ਚੌਥੇ ਬੱਚੇ ਦੇ ਜਨਮ ‘ਤੇ 40,000 ਰੁਪਏ ਦੇਵੇਗੀ।ਨਰਸੰਨਾਪੇਟਾ ਵਿੱਚ ‘ਸਵਰਨ ਆਂਧਰਾ-ਸਵੱਛ ਆਂਧਰਾ’ ਪ੍ਰੋਗਰਾਮ ਦੌਰਾਨ ਬੋਲਦਿਆਂ ਆਂਧਰਾ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਚੰਦਰਬਾਬੂ ਨਾਇਡੂ ਨੇ ਰਾਜ ਵਿੱਚ ਘਟ ਰਹੀ ਜਨਸੰਖਿਆ ਵਾਧੇ ‘ਤੇ ਚਿੰਤਾ ਪ੍ਰਗਟਾਈ ਤੇ ਕਿਹਾ ਕਿ ਬੱਚਿਆਂ ਨੂੰ ਬੋਝ ਨਹੀਂ ਸਗੋਂ ਦੇਸ਼ ਦੀ ਸੰਪਤੀ ਵਜੋਂ ਦੇਖਿਆ ਜਾਣਾ ਚਾਹੀਦਾ ਹੈ।ਮੁੱਖ ਮੰਤਰੀ ਨੇ ਐਲਾਨ ਕੀਤਾ ਕਿ ਜਨਸੰਖਿਆ ਵਾਧੇ ਨੂੰ ਉਤਸ਼ਾਹਿਤ ਕਰਨ ਦੇ ਯਤਨਾਂ ਤਹਿਤ ਸਰਕਾਰ ਤੀਸਰੇ ਬੱਚੇ ਦੇ ਜਨਮ ‘ਤੇ ਪਰਿਵਾਰਾਂ ਨੂੰ 30,000 ਰੁਪਏ ਅਤੇ ਚੌਥੇ ਬੱਚੇ ਦੇ ਜਨਮ ‘ਤੇ 40,000 ਰੁਪਏ ਪ੍ਰਦਾਨ ਕਰੇਗੀ। ਉਨ੍ਹਾਂ ਕਿਹਾ ਕਿ ਮੈਂ ਇਸ ਬਾਰੇ ਕਈ ਵਾਰ ਸੋਚਿਆ ਹੈ। ਪਿਛਲੇ ਸਮੇਂ ਵਿੱਚ ਮੈਂ ਪਰਿਵਾਰ ਨਿਯੋਜਨ ਲਈ ਵੀ ਕੰਮ ਕੀਤਾ ਸੀ ਪਰ ਅੱਜ ਇਕ ਵਾਰ ਫਿਰ ਬੱਚੇ ਹੀ ਸਾਡੀ ਅਸਲੀ ਸੰਪਤੀ ਹਨ ਅਤੇ ਸਾਡੇ ਸਾਰਿਆਂ ਲਈ ਆਪਣੇ ਬੱਚਿਆਂ ਦੇ ਭਲੇ ਲਈ ਕੰਮ ਕਰਨਾ ਜ਼ਰੂਰੀ ਹੋ ਗਿਆ ਹੈ। ਇਹੀ ਗੱਲ ਮੈਂ ਤੁਹਾਡੇ ਨਾਲ ਸਾਂਝੀ ਕਰਨਾ ਚਾਹੁੰਦਾ ਹਾਂ। ਇਸ ਲਈ ਮੈਂ ਇੱਕ ਹੋਰ ਫੈਸਲਾ ਕੀਤਾ ਹੈ ਅਤੇ ਇਸ ਮਹੀਨੇ ਮੈਂ ਇਸ ਨੂੰ ਤੁਹਾਡੇ ਸਾਹਮਣੇ ਰੱਖ ਰਿਹਾ ਹਾਂ। ਤੀਸਰੇ ਬੱਚੇ ਦੇ ਜਨਮ ‘ਤੇ ਅਸੀਂ ਤੁਰੰਤ 30,000 ਰੁਪਏ ਦੇਵਾਂਗੇ ਜਦਕਿ ਚੌਥੇ ਬੱਚੇ ਲਈ 40,000 ਰੁਪਏ ਦਿੱਤੇ ਜਾਣਗੇ।